تحدي 29 يوم، اليوم العاشر
مصمم على أن أكون مصمم.
مثل ماتعرفون اني دا اعلم نفسي التصميم الجرافيكي. وبهاي الفترة مخلي اهتمام كلش جبير بهالموضوع بحيث حتى ماعندي فراغ أملي الاستمارة او انشر بالمدونه ودائما متأخر.
اول ما بلشت بالتحدي خليت هدف ببالي وهن ان اكون مصمم بالمستقبل القريب هم مو البعيد
واشوف نفسي دا اتقرب من هالهدف وحتى بدت بوادر نفسية نتضحلي.
التصميم يعتمد ع الذوق الشخصي ويعتمد على حب المصمم لعمله لذلك مو اي واحد يكدر يصير مصمم. اذا انت ما جاي لهاي الشغلة بشغف وحب مراح تكدر تضبطها لان التصميم اله ارتباط كلش جبير بالجوانب النفسية. مزاجك راح ينطبع ع العمل الي جاي تشتغل وجربت هالشغلة كلش هواي.
المهم، بهاي الفترة اني مثل ما كلت فوك مخلي اهتمام ووقت كلش جبير للتصميم او لتعلم التصميم.
جاي استعين باليوتيوب ناس اعرفهم وناس ما اعرفهم اخلي ببالي هدف اليوم اتعلم مثلا مثلا النص ثلاثي الأبعاد. اروح اشوف اكثر من فيديو على هاي الشغلة وبنهاية اليوم اكون ضبط هذا النص.
وهكذا
اما بالنسبة للتمارين ف ما اكتفي بواحد
اول تمرين يكون تقليد مع المدرب
الثاني يكون وحدي واشوف نفسي ضبطت المهمه لو لا؟
بالنسبة العوائق اكيد اي واحد. تواجهه عوائق بشغله ف عائق للعائلة والشغل والوظيفة والشغلات التطلع صفح اكيد دا تتعبنا ومصرين نكمل ان شاء الله..دا اشتغل يوميا لكن بوقت مو منتظم مرات اشتغل ساعتين باليوم ومرات 8 ساعات ومرات 4 او 5 فحسب الفراغ.
دا احب التصميم كلش هواي يوم. بعد يوم.
سويت هوية تجارية باستخدام الوورد سويت ورقة خطابات لمدرستي الإداوم. بيها وسويت راجيته مال طبيب وسويت هوية شخصية اليه وبعد هواي شغلات سويت.
بالاخير احب اكول انه مشيي كلش تمام لحد. الان واحب استمر عليه لان منسق بيه التحدي وبين بقية الأشياء بحياتي
مراح اغير الخطة او اعدل عليها خاف مراح تلائمني ويتخربط شغلي اما بالنسبة للهدف الجاي ف اكيد بالعشر ايام الجاية راح. أحقق عشر تمارين جديد عشر مهمات إبداعية واحترافية بعالم الفوتوشوب والتصميم بشكل عام
راح أحقق أهدافي لكل. فترة. احددهن وبالاخير راح. أحقق الهدف النهائي واصير مصمم وأعلن عن نفسي بالوسط الفني😅لان التصميم فن
احبكم
الصور الي راح ارفقهن هن تيشيرتات صممتن ولوگو خاص بيه هم اني سويته.
تعليقات
إرسال تعليق